ALARMI I PRESIDENCES DANEZE

Artikujt më të fundit

Nuk dua të përputh këtu të vërtetat që kemi shprehur e mbrojtur tash dy vjet përgjatë shtegut të ngushtuar dhunshëm të veprimit opozitar, me të vërtetat e hidhura që ambasadori i Danimarkës në cilësinë e përfaqësuesit të presidencës së BE-së për këta gjashtë muaj, rreshtoi dje me gjuhën e Europës troç si mbase asnjëherë në këto vite të trazuara për Shqipërinë. Nuk dua të rimarr pjesë të tëra të intervistës së tij befasuese për të thënë sot ja, lexojeni, se sa shumë u ngjajnë pikëpamjet e hapura të presidencës daneze pikëpamjeve tona për shumëçka ka ndodhur apo është bërë si mos më keq në këto vite të rrënimit të moralit qeverisës e të institucioneve të brishta të shtetit tonë. Nuk dua aq më pak të bëj atë që fort mirë ambasadori Karsten Ankjaer Jensen e përcakton si “lojë të fajit mes palëve”, sepse vendit nuk i duhet assesi kjo lojë fundi i së cilës ka gjithnjë si rezultat përbaltjen e të gjitha palëve dhe si fitues vetëm dëshpërimin popullor bashkë me zhgënjimin ndërkombëtar.

Read More

Dua vetëm të them se është koha për të ndryshuar radikalisht politikën shqiptare në funksion të Europës si shpirt, si vizion, si mision, si sjellje publike e sigurisht edhe qeverisëse. Dhe dua të nënvizoj fort me këtë rast detyrimin tonë të papërmbushur tash njëzet vjet për Shqipërinë Europiane që na duhet si shqiptarë pa dallim; Për shtetin shqiptar që në 100 vjetorin e pavarësisë së Shqipërisë është larg së qeni shtet në shërbim të qytetarëve shqiptarë dhe në mbrojtje të flamurit e të vlerave tona si komb e si shoqëri europiane; Për shoqërinë shqiptare që doli nga skëterra komuniste dhe vijon të përpëlitet në boshllëkun alarmant të vlerave morale, ku politika e vjetër e këtyre njëzet vjetëve forcon sundimin e saj duke shkatërruar themelet e bashkëjetesës qytetare me dinamitin e urrejtjes përçarëse.

Ne, opozita shqiptare, Partia Socialiste në krye të saj, bëmë sa mundëm jo sa deshëm pasi u vodhëm në zgjedhjet e qershorit 2009 e u vramë në protestat që kulmuan me masakrën e 21 janarit, për t’u rivjedhur përsëri në zgjedhjet e majit 2011 në Tiranë ditën për diell. Mbase jo në çdo moment të vështirë patëm kthjelltësinë e nevojshme përballë një pushteti që u soll e vazhdon të sillet me opozitën si me një armik që duhet asgjësuar, për t’u kthyer në një shërbëtor të përulur të një qeverie të kthyer në regjim. Por pa asnjë fije dyshimi po të mos kishim rezistuar siç rezistuam, po të mos e kishim bojkotuar parlamentin e zgjedhjeve të vjedhura, po të mos kishim përdorur çdo mjet demokratik që patëm në dispozicion pavarësisht dukjes “joeuropianiste” të aksionit tonë politik në ndonjë moment apo kritikave rëndom cinike ndaj nesh, Shqipëria sot s’do kishte më asnjë shans për të shpëtuar së shpejti nga diktatura e faktit të kryer.

Sot ky shans është i plotë. Modeli bjellorus i demokracisë së kontrolluar nga pushteti është diskredituar edhe pse vazhdon të mbetet projekti i pandërprerë politik i pushtetit të sotëm të Shqipërisë. Ky projekt s’ka asnjë të ardhme europiane, sepse Europa s’ka vend për një Shqipëri ku zgjedhjet s’përmbushin standartet e BE-së, ku vjedhjet qeveritare të pasurisë e të parasë publike janë rutinë dhe ku proceset gjyqësore për qeveritarët e kapur me presh në duar janë komedi, ku qeveria vret me pushkë protestuesit dhe ku gjykatësit vrasin drejtësinë njësoj siç vret Garda e Republikës qytetarët.

Shansit të plotë që është krijuar për ta shpëtuar Shqipërinë nga diktatura e faktit të kryer ne, Partia Socialiste, duhet, duam dhe do t’i japim mundësinë të bëhet realitet përmes një projekti politik europian, diametralisht të kundërt me projektin politik të qeverisë. Përmes një projekti politik që është në embrionin e programit tonë të ri “Për një Rilindje Shqiptare”. Përmes një projekti politik që synon ndërtimin e shtetit modern europian që Shqipëria nuk e ka ende pas 100 vjetësh pavarësi. Përmes një projekti politik që ka në thelbin e vet interesat kombëtare dhe një vizion të ri për Shqipërinë e shekullit XXI. Përmes një projekti politik që kërkon një politikë të re sot më shumë se kurrë më parë. Në fjalë, sjellje e vepra.

Kështu e dëgjoj unë alarmin e presidencës daneze të BE-së për gjendjen e sotme të Shqipërisë dhe për çka duhet të bëjmë për sa na takon ne, opozitës shqiptare, Partisë Socialiste në radhë të parë, që e nesërmja të mos i ngjajë të sotmes e që më herët se vonë, Shqipëria të ndahet nga rruga e stërmundimshme e të shkuarës ku ka mbetur peng. Edhe njëherë respekt të thellë e mirënjohje për këtë alarm që i vjen në ndihmë bujarisht Shqipërisë e shqiptarëve në fillimin e këtij viti sa simbolik sepse përkon me 100 vjetorin e pavarësisë aq edhe dramatik për ecurinë e vendit, qoftë për shkak të krizës shumëplanëshe që thellohet qoftë për arsye të kalendarit të vet politik ku projektet e kundërta do të ballafaqohen detyrimisht, në më shumë se një udhëkryq kritik.

24 Mendimet tuaja për ALARMI I PRESIDENCES DANEZE

  • Ana shkroi:
    08-01-2012 në 7:53 pm

    Urime Edi!
    Po del ne driten e diellit e gjith perpjekja Juaj dyvjecare e krititikuar nga Kaci i rrjedhur. Ja pra doli qe gjithe veprimtaria e opozites ka qene e vlefshme dhe efektive. Kam besim te patundur qe per Shqiperine do hapet nje faqe e re europjane. Zgjedhjet e ardhshme do ta bejne nje gje te tille.

    Përgjigje
  • berti shkroi:
    08-01-2012 në 2:06 pm

    Edi, populli shqiptar po i mban shpresat tek ty,me sa shohe te gjithe mendojne se ti do kerkosh te ndihmosh popullin e thjeshte,ate qe me pune duan te jetojne te lumtur si ne gjithe vendet e tjera ku ka demokraci!Dhe mos na zhgenje se keta politikan e sotem mendojne se gjithe ato leket qe po i bejne duke na vjedhur si hajduta ordinera,do ti bejne te pavdekeshem!Me mire nje gjurme ne histori,se nje llogari bankare me shume!Zoti ta befte mbare dhe mos u infekto nga mentaliteti i ketyre plerave qe do shesin dhe motren e vet per ndonje biznes me shume!Mos harro qe ne kete jete sjemi per te poshteruar te pafuqishmin por per ti ndihmuar ata!Tregoju shqipetarve qe koha e xhungles ku luani thote se miun e ka zene rakia e flet brockulla,pa e menduar qe ka te bej me nje luan,i ka ardhe fundi!Dhe keto deklarata te tipit mafioz qe behen hapur pa i bere asnjerit pershtypje,te vihen para drejtesis,dhe luanin ta izolojne ca kohe sepse ashtu kthehet ne lepur! Pune te mbare

    Përgjigje
  • Robert Ferhati shkroi:
    08-01-2012 në 4:03 am

    Z.Rama nje pyetje direkte kisha per Ju, nese gjeni miresine dhe kohen e nevojshme per te formuluar nje pergjigje direkte, ne ferhati_robbie@yahoo.de:

    Besoni me te vertete se sisteme te ashtuquajtura demokratike, liberale gjejne truall te aplikohen ne terrenin shkembor shqiptar?

    A jeni te sigurte qe afrimi ne popull me premtimin se kur tju vije dita Ju do te beni demokraci te vertete liberale, nuk do e merzisi injorantin popull qe kete nuk e kupton, por qe njekohesisht kupton shume mire te 1001 menyrat e piseta te vjedhjes, berit korrupsion, mbeshtetjen e atij qe premton ne menyre afatshkurter, se si shitet e sa vlen bytha ne situata te ndryshme etj.

    A ka qofte edhe nje molekule shprese tek Ju se ky vend do te mund te perparoje mbeshtetur te dogma dhe modeli demokratiko-liberal?

    Personalisht se kam patur kurre nje besim te tille.

    Mos ndoshta eshte me e mira ti bejme thirrje zerit te arsyes te shumica e njerezve, per te pranuar nje here sesa pushta e pa karakter jemi? Se ndoshta po te gjehet gjuha dhe arti i nevojshem per kete, ne menyre qe te mos krijohet ndonje reaksion negativ, atehere mund edhe te arsyetojme pa patur friken se arsyetimi yne do te perdoret nga kundershtari politik, nga nderkombetaret apo dikush tjeter.

    Kam shume gjera ne mendja por tani qenkerkam konfuz.

    Sidoqofte ju pershendes miqesisht!

    Përgjigje
  • durrsaku shkroi:
    08-01-2012 në 1:03 am

    vetem lufta pa kompromis kunder korrupsionit do te sjelli permisimin dhe prosperitetin e shqiperis. nuk mund te zvarritemi keshtu sic kemi bere x 20 vjet, dhe te shohim endrra ne diell sikur po vrapojme dret europes. kjo eshte sekreti i cdo qeverie qofshin keto te djathta apo te majta . ketu duhet te behet diferenca midis teje z. rama dhe ketyre banditeve qe jane sot ne pushtet, dhe atyre qe ishin para ketyre . me respekte durrsaku.

    Përgjigje
  • Mariglen Capja shkroi:
    07-01-2012 në 10:55 pm

    me e rendesishnja esht qe politika te jete ne funksion te popullit,shpresoj qe dicka te tille ta bej kryeministri i ardhshem i shqiperise qe tashme dihet se kush do te jete.

    Përgjigje
  • Ahmet Loka shkroi:
    07-01-2012 në 10:54 pm

    Politika duhet tye ndryshoje krahas mentalitetit te njerzeve ne shqiperi. Duhet te hiqet nje here e mire nga mendja e pushtetareve i kuj do krahu qofshin se ne pushtet vihet per te vjedhur dhe per tu bere favore militanteve partiak. Kam besim se ardhja juaj zoti Rama ne qeverisje do ta ndryshoje per mire rrjedhen e ngjarjeve per vendosjen e nje demokracie te vertete ne shqiperi, domosdo duke ndeshkuar te koruptuarit qe qeverisen dhe vodhen kete vend gjat ketyre 20 vjeteve, kjo nga drejtesia dhe jo per hakmarrje . Te shpresojme se lufta juaj per vendosjen e vendit tone krahas shteteve te europes atje ku e meriton do te jete e sukseseshme . Mendimet e njerzeve per ju zoti Edi do te jene ndihmese per parjen e gjerave realisht. Ju faleminderit. Me respekt Ahmet Loka.

    Përgjigje
  • Veli Mustafai shkroi:
    07-01-2012 në 10:54 pm

    Edi Rama po nuk mposhti salen nuk ka ecje perpara Nuk behet shqiperia kurre me injorante dhe ginjeshtar si sala……

    Përgjigje
  • Luigj Pashk Dodaj shkroi:
    07-01-2012 në 10:53 pm

    N.Q.SE,ne shqiperi,do vendoset shteti ligjore,te rrespektojm te gjithe ligjin,do kemi sukses.po..jo si tani..kalon polici,prokurori,inspektori i tatimeve,tekniku i pyjeve,ai i elektrikut etj etj ,dhe nuk i ka njeri as frik e as respekt,shteti nuk funksionon.jetoj ne gr, kur kalon makina e policise,kane ma frik grekerit se sa ne,,te tjeret.se kane frike LIGJIN.

    Përgjigje
  • Andrea Tirja shkroi:
    07-01-2012 në 10:53 pm

    Shqiperia jone,kurre nuk do ece perpara per deri sa dhe ne vitin 2012 njerzit kane te njejtin mentalitet te vitit 1991,qe politika ju siguron vende pune,kurre nuk ndodh,ndodhin ne vendin tone fiton pd ka spstrime,fiton ps ka spastrime,e ke ndimojne keto gjera vetem shkaterrojne njerzit sistemin e vendin tone,vendi punes fitohet me me mund me djerse me vullnet per te punuar,jo duke shkuar ne mitingje jo duke ndejur ne bare ne bingo etj.,shpresoj te ndryshoj ky mentalitet per te gjithe qe dhe ne qe jemi jashte te vijme te qete ne vendin tone.

    Përgjigje
  • Ermir Hoxha shkroi:
    07-01-2012 në 10:52 pm

    Nje te tille ankese si kjo e Ela Ibi, e degjova nje dite ne Sarande, ku nje militant i PS, ju ankua Rames se kreu i Bashkise Cipa, e “kishte harruar” per pune te ndonje vendi pune. Kjo puna e vendit te punes eshte shnderruar ne tumorin e anetarise se cdo partie, perfshi dhe PS-ne. E une dua te sjell shembullin e nje djali te ri gjate fushates qe ne nje takim elektoral u tha disa drejtuesve socialiste ne Sarande: “Une do ju mbeshtes e juve do ua jap voten, por kete nuk e bej per vend pune. Une nuk dua vend pune, por dua nje Shqiperi normale e me shume shanse, se me pas punen e gjej vete”. Kjo lloj deklarate e ketij djali, duhet injektuar si moral tek cdo militant a anetar i PS-se. Ndryshe nuk ben. Persoanlisht, me vullnet te lire e pa asnje yshtje vec deshires per nje qeverisje te mire te Sarandes, pa qene as anetar, as militant e as ndonje simpatizant i PS-se, kam realizuar “kostumin mediatik” te Stefan Cipes gjate fushates, ku ai fitoi bindshem. E kete nuk e bera per para e vend pune. Por ama jam kritik me Cipen per emerimet qe ka bere, sepse ka shkelur parimet e profesionalizmit ne emer te militantizmit partiak, duke u dhene poste nerezve te paafte, e duke larguar nga puna njerez te kampit tjeter politik, por te afte e ta pakorruptuar. Vete Rama, ne drejtimin e Bashkise se Tiranes, solli nje standart: ate te profesionalizmit e te aftesise mbi cdo lloj preference politike. E bash per kete shoh te Rama nje lider ndryshe.

    Përgjigje
  • Muhamed Ceka shkroi:
    07-01-2012 në 10:50 pm

    eshte hera e par qe nje diplomat shprehet shume drejperdrejt edi ke te drejt

    Përgjigje
  • Fredi Marku shkroi:
    07-01-2012 në 10:50 pm

    Vetem ti mund ta besh shqiperin si gjith:EUROPA:

    Përgjigje
  • Artur Cami shkroi:
    07-01-2012 në 10:49 pm

    ne Shqiperine e zhvilluar te SALULEVE ,duhen cizma llastiku te shetisesh ..ai na flet per gjelberim.

    Përgjigje
  • Shpetim Farruku shkroi:
    07-01-2012 në 10:48 pm

    kur e pam sali berishen gjithe kto vite cfar ka ber …….. te shikojme edhe kte tjetrin se nuk bohet nomi ec edi rama tregoju atyre qe jan sot ne krye si udhhiqet qeveria forza edi ramaaaaaaaaaaaaaaaaaa.

    Përgjigje
  • Ina Dorda shkroi:
    07-01-2012 në 10:48 pm

    Me kete qe ka ne krye shqiperia,nuk mund te flasesh per politiken…

    Përgjigje
  • PER SHQIPERI TE LIRE shkroi:
    07-01-2012 në 10:47 pm

    Edhe politikanet e europes nuk folen hapur.Shyqyr qe e mori guximin ky te pakten.Na qelbi ere ky sala.

    Përgjigje
  • Mihallaq shkroi:
    07-01-2012 në 10:42 pm

    … Ne kohen e duhur … por per nje shumice Qytetare duhet te shoqerohet me nje Homazh per nje Vjetorin e Deshmoreve te Votes se Lire (do i quaja modestisht) … me nje te ngjashem me 28 Janarin e shkuar !

    Përgjigje
  • 07-01-2012 në 10:13 pm

    uroi nje vite te mbare

    Përgjigje
  • Dhimiter shkroi:
    07-01-2012 në 9:45 pm

    Zoti Edi,
    Reagimi Juaj politike eshte i shpejte, i qarte dhe, per me teper, shume bindes. Mirepo, nuk po arrij te kuptoj: kush qenka më ndikues ne popull; e verteta e thene prej Jush dhe e shprehur fare troç prej ambasadorit danez, apo mashtrimet gojore dhe veprimet spekulative te shefit aktual te Qeverise? Vazhdon te rritet ne menyre te pandalshme kostoja e jeteses se njerezve te thjeshte, mirepo nuk po shikojme ndonje reagim te tipit grek, qofte edhe te atij amerikan apo anglez, ku te indinjuarit bllokuan rruge dhe ushtruan presione ne rruge demokratike. Vertet nteresante: ne Bulqize vriten njerez ne galeri, nuk u jepet paga minatoreve deri edhe muaj te tera dhe … heshtje! Une, si nje socialist i thjeshte, nuk po jam ne gjendje t’i jap shpjegim kesaj dukurie. Mos ndoshta ngjet keshtu nga qe nuk po arrihet te realizohet propaganda qe ngjit ne masen e gjere te njerezve, apo ngjet nga qe kemi te bejme me nje popull psikologjikisht te sugjestiuonuar, prta – edhe te mposhtur nga pala sunduese ne Shqiperi.
    Lulzim Basha gjate fushates se zgjedhjeve te 8 majit 2011 sorollatej rrugice me rrugice me nje tabor mbeshtetesish, si dhe i shoqeruar nga nje vajze qe mbante shenim se cili kerkonte pune, (te cilit i premtoj menjehere punesimj). Mirepo, pasi u ul ne kolltukun e kryebashkiakut nisi fushata e shkurtimeve nga puna! Sot 70 punonjes, neser e me vone – edhe 230 te tjere. Dhe me vone – edhe te tjere e te tjere. Mirepo, e paça gabim une, serish keta Lulët e Berishes do ta mashtrojne popullin per te siguruar votat!
    Per te mos u zgjatur me tej, zoti Edi, po e shtroj pyetjen fare thjesht: a do te prese edhe shume PS-ja per te vene ne levizje ushtrine e madhe te te zgjedhurve dhe te veprimtareve te saj shoqerore, duke ju premtuar gjera konkrete, plotesisht konkrete. T’i thuhet fshatarit hapur, domethene krejt cope: po e vendose Partine Socialiste ne Qeveri ti, o fermer, do te perfitosh kete, kete, kete dhe ate. Po keshtu, edhe ti punetor, ti intelektual do te pewrfitosh kete dhe kete …
    Se ne, zoti Edi, jemi popull teper pragmatist; joshemi shume nga premtimet. Ju mund te thoni, se edhe Berisha premton, madje deri ne absurditet. Po, ashtu eshte; edhe ai premton, por le te shpresojme kesaj here se premtimeve te Berishes iu dola boja.
    Gjithesesi, komenti qe i beni deklarates se shkelqyer te zotit Jansen eshte bindes dhe me fryme optimizmi. Le te besojme ne kete.

    Përgjigje
  • Gjergj shkroi:
    07-01-2012 në 9:41 pm

    Z/Kryetar i Ps sot,kryeminister i vendit neser.Urime,suksese ne detyre.Largimi nga Ps i disave dje dhe i shum te tjereve kete vit mendoi se do te jete afrimi me i shpejte i yti si kryeminister ne 2013.Urime,suksese. Me mire djepi bosh se djalli brenda. Sala mori te njejtat vota me vitet e tjera,kurse shume nga ne jane rrjeshtuar te PD por rrine si hije me ne.Presim qe PS te pastrohet nga ato figura qe u sherbejn te tjereve..Populli do pune dhe po pret dit te mira.Emigrantet jane ne pritje te nje kryeministri si ju Z/Rama per nje pastrim te Tiranes ne vecanti.Faleminderit.

    Përgjigje
    • Magda shkroi:
      08-01-2012 në 3:39 pm

      Pershendetje Gjergj!
      E shoh qe je qetesuar nga “pastrimet” se kete ke kohe qe e ke shprehur dhe nah tani, duket se nuk te ka mjaftuar. “Me mire djepi bosh” (?)- une do te thosha “me mire nje armik i zgjuar se nje mik i dyshimte”, gjithsesi duket se pastrimi eshte thjeshte nje iluzion; eksperienca e jetes tregon se jemi te denuar te ecim krah per krah me “miqte”deri ne fund te atij rrugetimi qe quhet jete dhe ne fund fare tamam ne fund te saj do te arrijme te zbulojme te verteten.. dhe ne fakt, ironikisht njeriu gjerat me te rendesishme i meson atehere kur nuk i duhen me.

      ps: Nuk po them se njerezit nuk jane lehtesuar ne pergjithesi nga ndonje largim i rastit, por duhet thene se nuk i shkon per shtat termi “pastrim”.

      Ciao

      Përgjigje
  • p - Berat shkroi:
    07-01-2012 në 9:12 pm

    Me mire qe po e thone vone, te verteten, se sa kurre. Ate qe PS ka kohe qe e thote me aq sakrifica ekstreme. Nese vertet duan ta thone dhe ambasadore te tjere tani duhet ta thone. Pas 2013 kur PS te jete ne pushtet dhe kur qeverisja do te jete krejt tjeter , kur populli do te shpetoj nga ky tmerr i mungeses se drejtesise dhe ku besimi i njerzve ka humbur, atehere nuk ka vlere . Atehere,ata, do te kerkojne te gjithe nga dy rrota te fiks-fare qe nuk kane mbajtur qendrim kur duhej.

    Përgjigje
  • trifon shkroi:
    07-01-2012 në 8:47 pm

    jam i sigurt qe 2013,do shenoje nje faqe te re ne politiken shqiptare,besoj shume ne inteligjencen shqiptareve.uroj qe ju edi te jeni shprehja me e mire e nje ere te re.

    Përgjigje
  • genti shkroi:
    07-01-2012 në 8:34 pm

    zoti rama te uroj vit te mbare per shqiptaret e vit plot me pune per ps.ne shume pika te zotit jansen ne intervisten e tij opozita gjen mbeshtetje.deri diku arsyetohen veprimet tuaja por qe sic e thoni dhe ju ne disa raste nuk jeni treguar te kthjellet dhe efektet kolaterale edhe te kesaj jo kthjelltesie jane paguar pak shtrenjte nga populli.nje deshtim i disajt i kesaj radhe do te jete vertet fatal per ne.dua te te bej nje pyetje per sa i perket nje pike te cituar nga jansen.je i gatshem dhe a ekziston vullneti i duhur per te hapur dosjet e shikut ne periudhen e diktatures?me beri vertet pershtypje kjo pike qe te ne asnjeri nuk e citon.dua te te bej nje pyetje tjeter qe me shqeteson shume persa i perket prespektives se vendit nen udheheqjen e ps ne nje te ardhme.ne ps jane afruar shume persona te inkriminuar me krimin(ekonomik ose civil)qe kane funksione direkte ose qe kontrollojne indirekt titullare te ps.edhe weekileaks ne nje kabllogram ju akuzonte si parti per prezenza te tilla.un vet njof persona qe ne fier njihen per vrasje dhe mafie qe ulen pine kafe diskutojne shpesh here dhe perfaqsohen me personazhe te ps ne ate rreth por dhe ne tirane.ata te fierit nuk jane pjese e ps por e pozites vetem qe keta nuk e kane problem shoqerine e tyre.ne fier flitet per pazare por un nuk dua te spekulloj.pyetja ime eshte:nisur nga nje buon sens i te kuptuarit te situates reale pse ndodhin keto(un jam kunder dhe as e imagjinoj qe duhet te ndodhin),a do te jesh ti i afte bashk me ps per tu distakuar nga kjo mafie qe deri diku ka kapur dhe ps kur te jesh ne pushtet?mund te kuptoj qe per interesa ekonomik rrethanor klanor keta mund te perdoren tani por si do me siguroni qe nuk do te jesh me i influenzuar ne te ardhmen kur keta do te kerkojn perfitimin e investimit te kryer?te uroj shume pune efektive,shume kthjelltesi dhe shume pergjegjsi ne te kuptuarin e fatit qe historia mund te kete rezervuar ne historin e popullit tone.uroj qe mos te jesh pjella zhgenjyese e radhes e ketij populli te pa ditur dhe te pa kultur.uroj te jesh lepuri i madh i kesaj ferre te vogel qe jemi ne.te uroj dhe shume ideale spse ne shoqerine tone te jesh idealist eshte tabu.mos me(na)zhgenje..

    Përgjigje

Hyni për t'u përgjigjur

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

CAPTCHA Image
*